ՍԷՊՊՈ անվտանգության ծառայություն

ՍԷՊՊՈ-ն առաջարկում է անվտանգության կազմակերպման տարատեսակ լուծումներ, ներառյալ՝ արագ արձագանքման խմբեր, պահնորդական, թիկնապահական, պարեկային ինչպես նաև հակահրդեհային համակարգերի ներդրման ծառայություններ և անվտանգային տեխնիկայի կիրառման ուսուցանում:

Մեր պրոֆեսիոնալ մասնագետները և ներկայացուցչական մեքենաները Ձեր տրամադրության տակ կլինեն շուրջօրյա` Հայաստանի Հանրապետության ողջ տարածքում: (Հարկ լինելու դեպքում՝ զինված համապատասխան զինամթերքով: ՍԷՊՊՈ-ն ունի տարատեսակ զենքերի կիրառման օրենքով նախատեսված բոլոր թույլտվությունները):

ՍԷՊՊՈ-ի համագործակցությունների շրջանակը շատ լայն է: Համագործակցությունների կազմում ներառված են ֆինանսական հաստատություններ, դեսպանատներ, առողջապահական ինստիտուտներ, կառուցապատվող, կոմերցիոն, արդյունաբերական, օֆիսային տարածքներ, առանձնատներ և բնակելի համալիրներ, տարատեսակ մասսայական միջոցառումներ: Ունենալով ուժային կառույցներում աշխատանքի բազմամյա փորձ, ՍԷՊՊՈ-ի թիմն ապահովում է իր հաճախորդների պահպանությունն ու պաշտպանությունը ամենատարբեր իրավիճակներում և միջավայրերում ՀՀ ողջ տարածքում։

Այո, ՍԷՊՊՈ-ի բոլոր աշխատակիցներն ապահովագրված են: ՍԷՊՊՈ-ն իր աշխատակիցներին ապահովում է ոչ միայն լավագույն տեխնիկական միջոցներով, այլև համապատասխան ապահովագրական փաթեթով, որպեսզի նրանք իրենց պարտականությունները կատարեն հնարավորինս արդյունավետ, ապահովեն հաճախորդի անվտանգությունը՝ լինելով ապահովագրված:

ՍԷՊՊՈ-ն օգտագործում է մի շարք ժամանակակից տեխնոլոգիաներ՝ իր ծառայությունների որակը բարձր պահելու համար։ Դրանք ներառում են՝ հսկողության համակարգեր և հակաառևանգման ահազանգեր, անվտանգության սպառնալիքներն արդյունավետ վերահսկելու ու դրանց օպերատիվ արձագանքելու այլ տեխնոլոգիաներ: ՍԷՊՊՈ-ի անձնակազմը հագեցած է ժամանակակից կապի և այլ տեխնիկական միջոցներով, որոնք ապահովում են արդյունավետ համակարգում ու արագ արձագանքում տարբեր իրավիճակներում:

Վերապատրաստման դասընթացները ներառում են անվտանգության ապահովման կանոնների ուսուցում, արտակարգ իրավիճակների արձագանքման ընթացակարգեր, կոնֆլիկտների պատշաճ կարգավորում, ինչպես նաև անվտանգային տեխնիկայի շահագործման ուսուցում: ՍԷՊՊՈ-ն երաշխավորում է իր անձնակազմի կարգավորող մարմինների կողմից պահանջվող անհրաժեշտ լիցենզիաների և վկայագրերի ստացումը: