Արագ արձագանքման բաժնի մասնագետ

Աշխատանքի նպատակը՝

Պահպանվող օբյեկտներից որևէ մեկում իրավիճակի փոփոխության դեպքում ծառայության ուժեղացման նպատակով անհապաղ այցելություն կամ ընկերության կանոնակարգի պահանջներին համապատասխան այլ խնդիրների իրականացում։

Պարտականություններ՝

• Արագ արձագանքման խմբի մասնագետների գործառնությամբ է կազմակերպվում Ընկերության «Կառավարման Կենտրոն»-ի շուրջօրյա հերթապահությունը,
• Ընկերությունը կարող է ուժեղացնել հաստատությունների անվտանգությունը՝ ներգրավելով Արագ արձագանքման խումբ:
• Ընկերությունը կարող է օգտվել Արագ արձագանքման խմբի մասնագետներից՝ ստուգելու այլ կազմակերպություններին մատուցվող անվտանգության ծառայությունները և նմանատիպ բնույթի այլ միջոցառումներ
• Ծառայությունը կատարել առույգ, ուշադիր՝ լինել կոմպետենտ,
• Կարողանալ կիրառել պահպանության տեղամասում առկա հրշեջ և այլ տեխնիկական միջոցները,
• Կասկածելի անձի/անձանց (ոչ սթափ, ոչ ադեկվատ) հայտնվելու դեպքում անհապաղ զեկուցել հերթափոխի ավագին և միջոցներ ձեռնարկել կանխելու այդ անձի/անձանց մուտքը պահպանվող օբյեկտ/տարածք, ինչպես նաև իրականացնել անհրաժեշտ իրավաչափ միջոցառումներ այդ անձին (անձանց) ոչ իրավաչափ գործողություններից զերծ պահելու համար,
• Կատարել հերթափոխի ավագի, պահպանվող օբյեկտի անվտանգության գծով պատասխանատուի կողմից տրվող հանձնարարությունները,
• Ծառայության ընթացքում լինել կարգապահ, պահպանել հիգիենայի կանոնները և մաքրությունը,
• Առնվազն երեք տարին մեկ անցնել պարտադիր վերապատրաստում։

Արագ Արձագանքման Խմբի մասնագետը պարտավոր է նաև`

• ելնելով ոտնձգության բնույթից` ձգտել, որպեսզի ոտնձգություն կատարած անձին պատճառվող վնասը հասցվի նվազագույնի,
  անհրաժեշտության դեպքում, անհապաղ ցուցաբերել (ապահովել) առաջին բուժօգնություն զեկուցելով հերթափոխի ավագին,
• ֆիզիկական ուժի, հատուկ միջոցների կամ հրազենի գործադրմամբ անձին պատճառած մարմնական վնասվածքի կամ մահվան դեպքում անհապաղ տեղեկացնել հերթափոխի ավագին,
• Իր պարտականությունները կատարելիս Արագ Արձագանքման բաժանմունքի մասնագետները ֆիզիկական ուժ, զենք, հատուկ կամ տեխնիկական միջոցներ գործադրելու իրավունք ունի միայն անհրաժեշտ պաշտպանության և ծայրահեղ անհրաժեշտության պայմաններում:
• Օրենքով չնախատեսված դեպքերում կամ սահմանների անցումով Արագ Արձագանքման բաժանմունքի մասնագետների կողմից ֆիզիկական ուժի, հատուկ միջոցների կամ հրազենի գործադրումը առաջացնում է պատասխանատվություն` օրենքով սահմանված կարգով:

Հմտություններ

• Կարգապահություն, զգոնություն, ուշադրություն,
• Պատասխանատվության բարձր զգացում,
• Արագ կողմնորոշվելու ունակություն,
• Ժամանակը և աշխատանքային ռեսուրսները արդյունավետ կառավարելու հմտություն,
• Որևէ օտար լեզվի իմացություն:

Որակավորումներ

• Առնվազն միջնակարգ կրթություն,
• Որակավորման վկայականի առկայություն: